Horaz, Carmen III, 24 (27 -  64 )

Die Habgier, Ursprung jeglichen Übels  

Vierte asklepiadeische Strophe:

         si quaeret Pater urbium
     suscribi statuis, ǁ indomit(am) audeat

         refrenare licentiam,
30 clarus postgenitis; ǁ quatenus, - heu nefas! -
         virtut(em) incolum(em) odimus,
     sublat(am) ex oculis ǁ quaerimus invidi.

         Quid tristes querimoniae
     si non supplicio ǁ culpa reciditur,
35     quid leges sine moribus
     vanae proficiunt, ǁ si neque fervidis

         pars inclusa caloribus
     mundi nec Boreae ǁ finitimum latus
         durataeque solo nives
40  mercator(em) abigunt, ǁ horrida callidi

         vincunt aequora navitae?
      Magnum pauperies ǁ obprobrium iubet
         quidvis et facer(e) et pati
      virtutisque viam ǁ deserit arduae.

45     Vel nos in Capitolium,
     quo clamor vocat et ǁ turba faventium,
        vel nos in mare proximum
     gemmas et lapides, ǁ aur(um) et inutile,

        summi materiem mali,
50  mittamus, scelerum ǁ si bene paenitet.
        Eradenda cupidinis
     pravi sunt element(a) ǁ et tenerae nimis

        mentes asperioribus
     formandae studiis. ǁ Nescit equo rudis
55    haerer(e) ingenuus puer
     venarique timet, ǁ ludere doctior

        seu Graeco iubeas trocho
     seu malis vetita ǁ legibus alea,
        cum periura patris fides
60  consortem socium ǁ fallat et hospites,

        indignoque pecuniam
     haredi properet. ǁ Scilicet inprobae
        crescunt divitiae, tamen
     curtae nescio quid ǁ semper abest rei.

  Home           Verslehre