Home   Grammatik   Links   Metrik   Realien   Schriftsteller


VERGIL, Aeneis I 12 - 80

Zorn der Juno

Hexameter

Rotgedruckte Vokale werden betont - eingeklammerte Silben nicht gelesen !

Sprechpausen (Zäsuren):

1. – Pause nach dem 3. Halbfuß (= 2. Hebung): Trithemimeres (caesura semiternaria) ǁ

2. – Pause nach dem 5. Halbfuß (= 3. Hebung): Penthemimeres (caesura semiquinaria)  ǁ

3. – Pause nach der 1. Kürze des 3. Daktylus: trochäische Zäsur  (κατ τρίτον τροχαον)  ǁ

4. – Pause nach dem 7. Halbfuß (= 4. Hebung): Hephthemimeres (caesura semiseptenaria)  ǁ

5. - Pause nach dem 4. Fuß : bukolische Diärese  ǁ

6. - Interpunktionszäsur:  ǁ

 

12    Urbs antiqua fuit, ǁ Tyrii tenuere coloni,
        Karthag(o),
ǁ Italiam ǁ contra ǁ Tiberinaque longe
        ostia,
ǁ dives opum ǁ studiisqu(e) asperrima belli,
15    quam Iuno fertur
ǁ terris magis omnibus unam
        posthabita
ǁ coluisse Samo; ǁ hic illius arma,
        hic currus
fuit;
ǁ hoc regnum ǁ dea gentibus esse,
        si qua fata sinant,
ǁ iam tum tenditque fovetque.
        Progeniem sed enim
ǁ Troian(o) a sanguine duci
20    audierat,
ǁ Tyrias olim ǁ quae verteret arces;
        hinc populum
ǁ late regem ǁ belloque superbum
        ventur(um) excidio Libyae:
ǁ sic volvere Parcas.
        Id metuens,
ǁ veterisque memor ǁ Saturnia belli,
        prima quod ad Troiam
ǁ pro caris gesserat Argis
25    - necd(um) etiam
ǁ caus(ae) irarum ǁ saevique dolores
        exciderant animo;
ǁ manet alta mente repostum
        iudicium Paridis
ǁ spretaequ(e) iniuria formae,
        et genus invis(um) et
ǁ rapti Ganymedis honores.-
        His accensa super
ǁ iactatos aequore toto
30    Troas, reliquias
ǁ Dana(um) atqu(e) immitis Achilli,
        arcebat
ǁ longe ǁ Latio, ǁ multosque per annos
        errabant,
ǁ acti fatis, ǁ mari(a) omnia circum.
        Tantae molis erat
ǁ Romanam condere gentem!
        Vix e conspectu ǁ Siculae telluris in altum
35    vela dabant
ǁ laet(i) et spumas ǁ salis aere ruebant,
        cum Iun(o) aeternum
ǁ servans sub pectore vulnus
        haec secum:
ǁ 'Men(e) incepto ǁ desistere victam,
        nec poss(e) Italia
ǁ Teucror(um) avertere regem?
        Quippe vetor fatis.
ǁ Pallasn(e) exurere classem
40    Argiv(om) atqu(e) ipsos
ǁ potuit submergere ponto,
        unius ob nox(am) et
ǁ furias Aiacis Olei?
        Ipsa Iovis rapidum
ǁ iaculat(a) e nubibus ignem,
        disiecitque rates
ǁ evertitqu(e) aequora ventis,
        ill(um) exspirantem
ǁ transfixo pectore flammas
45    turbine corripuit
ǁ scopuloqu(e) infixit acuto.
        Ast ego,
ǁ quae div(um) incedo ǁ regina Iovisque
        et soror et coniunx,
ǁ una cum gente tot annos
        bella ger(o).
Et ǁ quisquam ǁ numen ǁ Iunonis adoret
        praetere(a) aut
ǁ supplex aris ǁ imponet honorem?'
50    Talia flammato ǁ secum dea corde volutans
        nimbor(um) in patriam,
ǁ loca feta furentibus austris,
        Aeoliam
ǁ venit. Hic vasto ǁ rex Aeolus antro
        luctantes ventos
ǁ tempestatesque sonoras
        imperio
ǁ premit ac vinclis ǁ et carcere frenat.
55    Ill(i) indignante
ǁ magno cum murmure montis
        circum claustra fremunt;
ǁ celsa sedet Aeolus arce
        sceptra tenens
ǁ mollitqu(e) animos ǁ et temperat iras.
        Ni faciat,
ǁ mari(a) ac terras ǁ caelumque profundum
        quippe ferant rapidi
ǁ secum verrantque per auras.
60    Sed pater omnipotens
ǁ speluncis abdidit atris
        hoc metuens molemqu(e)
ǁ et montes insuper altos
        imposuit
ǁ regemque dedit, ǁ qui foedere certo
        et premer(e) et laxas
ǁ sciret dare iussus habenas.
        Ad quem tum
ǁ Iuno ǁ supplex ǁ his vocibus usa (e)st:
65    'Aeole, namque tibi ǁ divum pater atqu(e) hominum rex
        et mulcere dedit
ǁ fluctus et tollere vento,
        gens inimica mihi
ǁ Tyrrhenum navigat aequor,
        Ili(um) in Italiam
ǁ portans victosque Penates;
        incute vim ventis
ǁ submersasqu(e) obrue puppes
70    aut age diversos
ǁ et disiice corpora ponto.
        Sunt mihi bis septem
ǁ praestanti corpore nymphae;
        quarum quae forma
ǁ pulcherrima Deiopea,
        conubio
ǁ iungam ǁ stabili ǁ propriamque dicabo,
        omnes ut tecum
ǁ meritis pro talibus annos
75    exigat et pulchra
ǁ faciat te prole parentem.'
        Aeolus haec contra: ǁ 'Tuus, o regina, quid optes
        explorare labor;
ǁ mihi iussa capessere fas est.
        Tu mihi quodcumqu(e) hoc regni,
ǁ tu sceptra Iovemque
        concilias,
ǁ tu das epulis ǁ accumbere divum
80    nimborumque facis
ǁ tempestatumque potentem.'

 


HOME  Home         VERSLEHRE  Verslehre