5   Tunc nec mens mihi nec color 
        certa sede manet, ǁ umor et in genas 
     furtim labitur, arguens 
        quam lentis penitus ǁ macerer ignibus. 

     Uror, seu tibi candidos 
10    turparunt umeros ǁ inmodicae mero 
     rixae, sive puer furens 
       inpressit memorem ǁ dente labris notam. 

     Non, si me satis audias, 
        speres perpetuum ǁ dulcia barbare 
15  laedent(em) oscula, quae Venus 
      quinta parte sui ǁ nectaris imbuit. 

    Felices ter et amplius 
       quos inrupta tenet ǁ copula nec malis 
    divolsus querimoniis 
20    suprema citius ǁ solvet amor die.