CATULL, c. 8

Verlassen

Hinkjambus

Variante des jambischen Trimeters, in dem der letzte Fuß ein Trochäus oder Spondeus ist, wodurch der Vers hinkt: 

Rotgedruckte Vokale werden betont - eingeklammerte Silben nicht gelesen !

Miser Catulle, desinas ineptire,
et quod vides perisse perditum ducas.
fulsere quondam candidi tibi soles,
cum ventitabas quo puella ducebat
amata nobis quant(um) amabitur nulla.
ib(i) illa multa cum iocosa fiebant,
quae tu volebas nec puella nolebat,
fulsere vere candidi tibi soles.
nunc i(am) illa non vult: tu quoqu(e) impotens noli,
nec quae fugit sectare, nec miser vive,
sed obstinata mente perfer, obdura.
vale puella, iam Catullus obdurat,
nec te requiret nec rogabit invitam.
at tu dolebis, cum rogaberis nulla.
scelesta, vae te, quae tibi manet vita?
quis nunc t(e) adibit? cui videberis bella?
quem nunc amabis? cuius esse diceris?
quem basiabis? cui labella mordebis?
at tu, Catulle, destinatus obdura.